عيديتي هاذي من الشعر منطوق

عيديتي هاذي من الشعر منطوق
يومن ربي عن هواهن وقاني
وانا ولد برقا لها العز مع روق
مانيب من هزه هوى مودماني
ولا نيب لا عاشق ولا نيب معشوق
ولا هزني صوت الطرب والاغاني
وان كان ابه شخصً من الناس ملحوق
الحمد لله ما اتجاوز مكاني
لا ما اتعدى والوضع صار مخنوق
ولا فيه شخصً للمحبه دعاني
قلبي مغرد خارج السرب من فوق
ما ارسم على لوحة فضاي الاماني
ولا اهتز في قلبي من الشوق معلوق
كيف المره تقدر تهزهز كياني
لا ضاع الي حاجه ولا نيب مسروق
ولانيب من يرجي فلان الفلاني
وان كان ابه شيً مخباء ومدقوق
الله على حسن النوايا عطاني
وان كان غنينا من الشعر طاروق
ماهوب معناها حياتي اعاني
اارسم تصاوير الغلا جوف صندوق
واهدي جميع الناس حلو المعاني
وكلاً اله قدر ومقامات وحقوق
واليا فرح غيري نزف التهاني
0